Gikumpirma sa grupo sa mga tag-iya og supermarket nga dako ang epekto sa pagsaka sa presyo sa petrolyo sa kantidad sa mga delata ug ubang produkto.
Gipakita sa grupo ang posibilidad sa pagsaka sa presyo sa mga delata, processed foods, lakip na ang mga ilimnon.
Partikular nga apektado ang distribution cost sa mga produkto tungod sa pagsaka sa presyo sa petrolyo.
Sumala sa Philippine Amalgamated Supermarkets Association, ang taas nga distribution cost ipasa sa ilang mga distributor, nga mupugos usab kanila nga mopatong og dugang nga presyo sa ilang mga produkto.
Gibutyag sa grupo nga nakadepende kini sa mga tag-iya sa supermarket kung pila ang idugang nga presyo.
Kahinumduman nga adunay big-time price hike sa mga produktong petrolyo niadtong Martes, nga maoy hinungdan sa nagpadayon nga tensyon sa Middle East.
