-- ADVERTISEMENT --
Nagtuo si US Secreatary of State Marco Rubio nga pila na lamang ka semana ug matapos na ang giyera sa Iran.
Iyahang gipasigarbo nga padayon ug walay hunong ang paningkamot sa Estados Unidos aron pugson ang Iran nga motubag sa maong peace plan. Gipasabot usab niya nga klaro ang tumong sa US ug duol na nila kining makab-ot sa hustong panahon.
Nasayran nga kabahin si Rubio sa mga mitambong sa G7 meeting sa France, diin pagahisgutan ang pagpahunong sa giyera sa Iran.
Gipaabot usab ni Rubio ang tubag sa Iran sa ilahang 15-point plan.
Wala usab niini gibutyag kung magpadala ba sila og mga sundalong Amerikano ngadto sa Iran.
-- ADVERTISEMENT --
Una nang migawas ang balita nga plano sumala pa nga magpadala ang Pentagon og mga elite forces ngadto sa Middle east.
