DAVAO CITY – Gipahibalo karon sa Police Regional Office (PRO)-11 nga magsugod na ang pagpatuman ug Gun ban karung Enero 2022 kini aron nga mapangandaman ang nagsingabot nga eleksiyon sa Mayo niining tuig kasamtangan.
Una ng gipasabot ni Police Regional Office (PRO)-Davao spokesperson Police Major Eudisan Gultiano nga himuon ang nahisgutan nga lakang subay sa inisyatibo sa Commission on Elections (Comelec) diin molungtad kini hangtud Hunyo 8.
Magpabilin sumala pa ang pagpatuman sa license for possession and ownership of firearms apan gitino niini ngakadtong mga sibilyan o non-uniformed personnel ang dili tugutan nga mahugpot ug armas gawas sa ilang pinuy-anan.
Bugtong mga uniformed personnel, sama sa kapulisan ang tugutan nga magdala ug armasbisan nga naka-uniporme kini o naka-sibilyan.
Hinuon andam sumala pa nga i-cater sa kapulisan kadtong mga kandidato sa eleksiyon nga mo-apply ug license ingon man approval alang sa ilang seguridad.
Ang mga madakpan nga makalapas sa gun ban ang mamahimong mapasakahan ug illegal possession of firearms, pinasikad sa Comelec Resolution 10741 diin mandato ang pagpahimutang ug checkpoints ug pagdili sa pagdala, pag-transport sa armas ug uban pang deadly weapons.
Gani, nagmugna na matud pa karon ang PRO-Davao ug task force unit aron nga ipatuman ang security plans atol sa national elections season, kalakip na ang pagpahimutang ug checkpoints sa rehiyon ug sa mga utlanan.
