DAVAO CITY – Tungod sa wala nalabay nga basura, babaye gidunggab ang bayaw sa Phase 1, Purok 15, Panuntungan, DCCC, Barangay Tibungco, siyudad sa Davao.
Mitugpa sa Southern Philippines Medical Center (SPMC) si Michelle Kee Macasampon, 28, checker sa usa ka banana corporation human nga gidunggab sa suspek nga nailhang si Alyas Gerlie, 36, susamang nanimuyo sa nasampit nga lugar.
Sa inisyal nga imbestigasyon, naglalis ang duha ka babaye tungod sa nagkatag ug wala malabay nga basura.
Tungod sumala pa sa walay pagsinabtanay misangko ngadto sa pagkuha ug kutsilyo sa suspek dayon dunggab sa biktima usa ka higayon tumong sa likod.
Daling gidala ang biktima sa SPMC samtang dali ra sab nga nasikop ang suspek sa miresponde nga mga pulis.
Kasong attempted murder ang ipasakang kaso batok sa suspek.
