DAVAO CITY – Pipila ka adlaw ayha ang gikatakda nga subling pag-abli sa Roxas Night Market, laoman sumala pa nga mapagula na ang guidelines niini.
Kahinumduman nga sa Marso 24, 2022 adlaw nga Huwebes ang target nga subling ablihan ang Roxas Avenue alang sa mga vendors hinungdan nga gisapinal na karon sa lokal nga kagamhanan ang mga palisiya nga ipatuman sa lugar aron lamang masiguro an g kaluwasan sa panglawas sa mga vendors ingon man sa mga costumer niini.
Gikanayong nagpulong na matud pa ang mga nagkadaiyang buhatan sa kagamhanan arun nga isapinal ang ipagula nga guidelines.
Posible na sab sumala pa nga ilakip sa guidelines ang regular monitoring ug vaccination ingon man health screening sa mga vendors.
Una ng nagtoo ang Covid-19 Task Force nga mas ubos ang risgo ang Roxas Night Market bisan nga sagad kini nga ginadagsa sa mga tawo sanglit outdoor kini ug maglapus-lapus lamang ang hangin dili sama sa mga anaa sa sulod sa establisyemento.
