DAVAO CITY – Gikompirma ni Edwin Banabana, guardya ni Pabling Villaber sa luna sa yuta nga nakuha gikan kang Tess Dominggo Gaite, tag-iya sa Gaite Group of Companies nga gibantayan nila ang luna sa yuta ug wala na tugti ang mga sakop ni Gaite nga makasulod sa dapit.
Hinoon sumala pa niya nga ang ilang gibantayan mao ang yuta ug dili ang mga nahabilin nga mga kabtangan ug sakyanan nga nabilin sa mga Gaite sa dapit diin napahimutang ang Digos Adventure Park and Zip Line nga wala na magamit sukad sa milabay nga tuig.
Nasayran nga nagkailog sa luna sila si Pabling Villaber ug Tess Dominggo Gaite nga pulos mipalit sa luna, hinongdan nga nagkakasohan sa kasamtangan.
Sa kasamtangan dunay mga barikada nga mountain mix nga gi-ali sa mga karsada pasulog sa nahisgutan nga parke.
