DAVAO CITY – Walay nakitang dautan si Maning Duran, chair sa moderate Southeastern Mindanao Diversified Drivers and Operators Cooperative (SEMDDOC) kung ipatuman ni Pangulong Rodrigo Duterte ang temporaryo nga paghunong sa Barangay ug SK election karung tuiga.
Matud pa kang Duran nga kung tinuod man ang Narcopolitics sa mga officials nga magpali sa Barangay, mas maayo sumala pa nga dili na lamang kini ihinayon.
Dili sab sumala pa uyon si Duran nga maghitak pa ang ginadili nga droga sanglit mohatud sumala pa kini ug dili maayong epekto sa katawhan.
Dili sab matud pa motuo si Duran nga usa ka diktadorya ang kasamtangan nga administrasyon gumikan kay usa sumala pa kini ka nasud nga mipatigbabaw ang demokrasya.
Apan kung alang sa kaayohan sa tanan ang pagka-diktador sa usa ka lider, wala sumala pa kini mamahimong problema alang kaniya.
Samtang nagtuo ang nahisgutan nga dili matapos sa kasamtangan nga administrasyon ang suliran sa ginadili nga droga apan kung ang pili-on nga mosunod nga lider sa nasud adunay susama nga tumong sa kasamtangan nga administrasyon, posibleng masulbad ang problema sa illegal drugs.
