Gibatikos sa Kilusang Magbubukid ng Pilipinas (KMP) ang desisiyon sa Department of Agriculture (DA) nga miangkat og sibuyas sa taliwala sa ting-ani.
Sumala pa sa KMP Chairperson Danilo Ramos, nga gumikan sa padayon nga nagalaom sumala pa ang gobyerno sa importasyon isip usa ka band-aid solution, tataw nga wala napugngan ang pagsaka sa presyo sa mga agricultural products sa nasud.
Dugang pa niini, nga ang bag-ong pag-angkat og sibuyas samtang anaa sa taliwala sa harvest season, maoy sigurado nga magpalugi sa mga mag-uuma nga nagatanom og sibuyas, ug mupabor kini ngadto sa mga importer.
Gihimo nga pananglitan sa grupo ang nahitabo kaniadtong 2022 diin mikabat sa musobra P700 matag-kilo ang presyo sa sibuyas.
Sumala pa sa maong pundok, nga ang 2022 onion crisis, maoy resulta sa cartel manipulation ug kapakyasan sa gobyerno nga pugngan ang pagtago sa supply, hilabi na gikan sa mga importer.
Sumala pa usab sa Federation of Free Farmers, wala matud pa sa timing ang nahimo nga desisyon sa Department of Agriculture.
