-- ADVERTISEMENT --
Gisuspinde kagahapon sa hapon, Miyerkules, Agosto 13, 2025, ang klase sa Magugpo Pilot Central Elementary School (MPCES) sa Tagum City aron pagahimoon ang dengue misting human mamatay ang usa ka Grade 2 nga estudyante tungod sa dengue.
Sumala sa pamunuan sa MPCES, gitakda ang misting ug fogging sa tibook eskwelahan kagahapong adlawa pasado ala-1 sa hapon nga gipangunahan sa Barangay ug City Health Office.
Ang maong lakang gihimo aron masiguro ang kaluwasan sa mga estudyante batok sa lamok nga nagdala sa dengue virus, human makabsan niadtong Sabado ang 6-anyos nga babaye nga estudyante nga taga Villa Rosal, Magugpo South, Tagum City.
