DAVAO DEL NORTE – Gimanduan ni Acting Davao del Norte Governor De Carlo Uy si Governor Edwin Jubahib nga biyaan ang Tahanan ng Gobernador sa kapitolyo sa dili pa ang Bagong Pilipinas Serbisyo Fair, nga gikatakda karong Hunyo 6 hangtod 8.
Nasayran nga naghatag og sulat si Uy nga giptesahan niadtong Mayo 29 diin nakabutang nga gihatagan si Jubahib og duha ka adlaw sa pagbakante sa building ug sa mga lugar niini aron ma-accommodate sa mga opisyal sa nasudnong kagamhanan atol sa maong kalihokan.
Ang Tahanan ng Gobernador maoy gamiton nga holding room ug convergence point sa pagbisita sa mga nasudnong lider atol sa tulo ka adlaw nga kalihukan.
Gikompirmar ni Jubahib ang iyang suporta sa maong kalihokan ug personal nga i-accommodate ang tanang bisitang nasudnong lider nga mosalmot sa service caravan apan nagdumili sab kini sa pagbiya niini sa maong lawak.
Ang Serbisyo Caravan dungan sa pagbalik ni Jubahib sa kapitolyo sa probinsiya karong Hunyo 10, nagtimaan sa pagtapos sa iyang 60 ka adlaw nga preventive suspension.
Katiman-an nga gisuspenso sa Office of the President si Jubahib human ma-recall ang usa ka sakyanan gikan sa board member nga kaalyado ni Uy ug gibalik kini human sa traynta ka adlaw.
