Nagpaabot og kinasing-kasing nga pasalamat si Davao del Norte Governor Edwin “Kuya Gov” Jubahib alang sa mga Indigenous People nga wala gayud niundang sa pag-unong kaniya luyo paman sa iyang mga kasinatian.
Gipaambit sa gobernador ang iyang pasalamat atol sa pagsaulog sa ika-33 nga tuig nga anibersasyo sa LGU Talaingod kaniadtong nakalabayng adlaw.
Sumala pa ni Jubahib, dako ang iyang utang kabubut-on sa mga nahisgutan sanglit wala sila kawad-i sa paglaom ug pagsuporta kaniya sa mga nakalabay nga bulan kung diin gipahamtangan siya og supension order.
Kalabot niini, gipasalig sa opisyal ang padayong paghatod og serbisyo kanila kalakip na usab ang mga proyekto sa kadalanan nga dakong tabang alang sa kalambuan sa probinsya.
Gitagaan sab og gimbug-aton ni Jubahib ang pagseguro sa kahapsay sa probinsya pinaagi na usab sa tabang sa mga kapulisan.
Ang maong pagsaulog ang nahimong mabulokon tungod na usab sa mga pasundayag nga gihimo sa mga kabatan-onan
