Mitubag sumala pa si Pang. Marcos Jr. sa nahitabong pagpahibalo ni VP Sara nga molansad kini sa pagka-pangulo sa nasud.
Subay sa gipaguwa nga pamahayag ni Palace Officer Claire Castro, miingon sumala pa ang Pangulo nga ‘Good Luck’.
Nagkomento usab ang Palasyo human nga nangayo og pasaylo ang Bise Presidente tungod sa nahimong papel niini sa pagkadaog ni Pang. Marcos Jr.
“Ang taumbayan ang naghalal kay Pangulong Marcos Jr. Kung anuman po ang naitulong niya, pareho naman silang nagtulungan dahil ito ay Uniteam kaya huwag niyang solohin ang credit,”
Samtang gipakita usab ni Castro sa media ang mga report sa pagbaha sa Davao nga giingong resulta sa mga flood control projects sa kanhing administrasyon sa iyahang amahan.
Wala na usab motubag ang bise presidente sa mga sunod nga pangutana human kini mipahibalo sa iyahang katuyuan nga modagan sa pagka-Pangulo.
Sa kasamtangan si VP Sara ang permi nga nag-una sa pagka-presidente subay sa mga bag-ong survey.
