Gibutyag ni Executive Secretary Lucas P. Bersamin nga og ugaling si kanhi Pangulong Rodrigo Duterte mudesisyon nga musurrender ngadto sa International Criminal Court (ICC), dili sumala pa kini babagan sa gobyerno sa Pilipinas.
Apan, ugaling ang ICC magpaguwa og red notice pinaagi sa Interpol, ang mga otoridad dinhi sa nasud mamahimong maobliga nga makigkoopera, subay na usab sa nakalatid nga mga protocols.
Nahitabo ang pamahayag ni Bersamin, human nga gihagit ni Duterte, atol sa gipahigayong pagdungog sa kamara kagahapong adlawa nga kinahanglang mupahigayon na gilayon og imbestigasyon ang ICC, labot sa mga alegasyong adunay pagsupak sa tawhanong katungod, kaniadtong drug war campaign.
Nunot pa man sa padayong pagbalibad sa Administrasyong Marcos nga makigkoopera sa ipahigayong imbestigasyon sa ICC, dili matud pa kini mamahimong pamaagi nga mababagan na usab ang maong laraw.
Samtang, gikanayon ni Senate President Chiz Escudero nga nalibog matud pa kini gumikan si Duterte na ang mismong nanghagit karun nga magpadakop sa ICC, apan og kahinumduman nga kaniadtong Presidente pa kini, si Duterte mismo ang mi-withdraw sa pagka-miyembro niini sa ICC.
