-- ADVERTISEMENT --
Nakakulekta na ang gobyerno ug mukabat sa P25 bilyon nga taripa sa mosobra sa 2.8 milyong metriko tonelada sa mga imported nga bugas.
Matod pa sa Bureau of Customs (BOC) ang nahisgutang kantidad ang nagagikan sa bulan sa Enero hangtod sa bulan sa Agusto.
Sa nahisgutang walo kabulan, adunay kinatibuk-ang P25.767 bilyon nga koleksyon ug kini ang 16.4% nga mas hataas sa P22.139 bilyon nga gikatala sa susamang bulan sa nakalabay nga tuig.
Usa sa mga hinungdan niini mao ang pagsaka sa import volume nga adunay hataas nga declared value sa shipments.
Sa nahisgutang bulan, naka-import ang nasud ug 2.865 milyon metric tons kun 23.73% nga mas hataas sa 2.316 milyon metric tons nga gikatala niadtong milabay nga tuig.
-- ADVERTISEMENT --
