Interesado pa gihapon ang gobyerno sa Pilipinas nga mupalit ug mga kagamitang pangdepensa sa nasud India. Kini ang gipahayag ni Pangulong Ferdinand Marcos jr. kung diin gikanayon niini nga adunay mga nakalinyang procurement alang sa kagamitan sa Armed Forces of the Philippines (AFP) nga kabahin sa nagpadayong modernisasyon.
Apan giklaro sa pangulo nga ang padayong pagpamalit ug military equipment sa Pilipinas ang dili pagpangandam sa giyera apan gipangandaman ang pagtubag sa mga gi-atubang nga hagit.
Dugang pa sa pangulo, adunay joint military exercises nga pagahimuon ang AFP kauban ang ilahang mga counterparts hinungdan nga angay nga i-upgrade sa Pilipinas ang mga kagamitan niini.
Gipahayag pa sa pangulo, adunay plano ang Pilipinas nga dugangan pa ang pagpalit sa Brahmos missile ilabi na nga maayo ang feedback sa mga sundalo nga nag-operate sa nahisgutang kagamitan.
