Pormal nga gihangyo sa kampo ni kanhi Pangulong Rodrigo Duterte sa mga mahistrado sa International Criminal Court (ICC) nga ibalik ang kanhi pangulo ngadto sa mga Pilipino ug sa iyahang pamilya.
Atol sa iyahang pag-atubang sa hukmanan, gipresentar ni defense counsel Nicholas Kaufman ang mosunod nga lakang sa ilahang team isip depensa sa kanhing Presidente.
Sa ilahang paghangyo sa korte, gitawag pa sa abogado si Duterte nga “Tatay Digong” ug gigamit ang kusog nga panawagan nga: “Give him back to his family.”
Tumong sa maong manipestasyon nga ipadayag sa ICC ang sentimyento ug baruganan sa mga nagasuporta ug pamilya sa kanhi pangulo dinhi sa nasud.
Kini nga lakang sa depensa misunod sa nagpadayon nga pagdungog ug pagpresenta sa ebidensya sa ICC nga adunay kalabutan sa ginahimong imbestigasyon sa maduguong drug war sa miaging administrasyon.
