Gipalagan sa mga taga KOJC ang pugsanong pagpasulod sa mga nakabutang sa black-bag nga adunay sulod nga graba, balas ug semento.
Sumala pa aduna usab gisulod sa mga kapulisan nga usa ka karton nga butanganan ug mineral water, apan sa pag suta niini adunay duha lamang ka mineral water ang napalgan ug ang mas daghang sulod sa maong karton, mao ang semento.
Daghan nanggawas nga mga espikulasyon, hilabi na nga ginadudahan na sumala pa pag-ayo sa mga taga KOJC kung unsa ba gayud ang tinuod nga nagakahitabo sa ilawom sa JMC building.
Una nang gibutyag ni Atty. Israelito Torreon ang kabahin sa usa ka larawan nga diin makita nga nagkubkub ang mga kapulisan sa ilalom ug anaa na sumala pa walo ka metro ang kalawmon.
Gituohan sa mga taga KOJC nga ang tuyo ug tumong sa mga kapulisan kung ngano nagpasulod sila ug mga graba, balas ug semento, aron tabunan ang ilahang gikuykuy ilawom sa JMC building, hilabi na nga adunay ipahigayon karung adlawong Biyernes nga ocular inspection ang senado sa KOJC Compound.
