DAVAO CITY – Nadakpan na ang usa sa mga suspek kinsa naigo sa tiil sa mga mi-responde nga team sa kapolisan sa milabay nga Hunyo 26, 2018 sa natigayon nga shooting Incident ubay sa National Highway, Barangay Binuangan, Maco, Compostela Valley Province diin ang biktima naila nga usa ka Omar Macusang, 45 anyos, bag-ong napili nga Barangay Kagawad sa Barangay Pangi.
Ang biktima gikan pa lamang sa oath taking sa mga bag-o nga napili nga mga Barangay Officials sa Maco Municipal Gym sakay sa itom nga Ford Ranger Pick-up, dihang usa ka Yamaha XTC motorcycle nga wala’y plate number ang nahi-abot ug mipusil sa biktima sa wala nga bahin sa iyang sakyanan sa makadaghang higayon.
Naigo ang biktima sa nagkada-iya nga bahin sa iyang lawas.
Nadakpan ang suspek sa Davao Regional Medical Center Apokon, Tagum City, nailhan ang suspek nga usa ka Bryan Genon y Peñaranda, 36 anyos, menyo ug residente sa Makambol, Dawan, Mati City, Davao Oriental.
Ang dinakpan positibo nga giila sa mi-responde nga kapolisan kinsa mao ang gikasangka sa suspek nga naigo sa tiil. Ang dinakpan na confine sa hospital hinongdan nga nasikop.
Gi-andam na ang dokumento aron mahikay ang kasong murder batok sa suspek.
