‘Cheap Political Stunt’, mao kana ang tubag ni kanhi presidential spokesperson Atty. Harry Roque human nga gipakalat ang wanted posters alang kaniya ngadto sa daghanang kalsada sa kaulohan.
Niadtong milabay nga adlawang Biyernes, Setyembre 20 ning tuiga, gipangdikit sa miyembro sa Akbayan ang wanted poster ni Roque nga dunay nakabutang nga ‘POGO lawyer’.
Gumikan niini, gitawag ni Roque isip ‘cheap political stunt’ ug gitambagan ang Akbayan nga magpokus na lamang sa pagdepensa sa mga ordinaryong Pinoy inay nga buhaton kini.
Dugang pa niini nga nasubo kini pag-ayo gumikan nahimo na matud pa nga buta, amang ug bungol ang grupong Akbayan pag-abot sa sa mga isyung angay hatagan og tagad sama sa pagbalhin sa pondo sa Philhealth.
Gipunting sab niini nga di siya pugante ug walay bisan unsang balaod ang gisupak.
Kahinumdumang unang nagpagawas og arrest order ang Kamara batok kang Roque,apan una na kining gisilbi sa House Sergeant-at-Arms sa iyang address sa Makati City, apan wala matud pa kini naabtan sa otoridad.
Nagmugna sab og tracker team ang Philippine National Police (PNP) aron pangitaon si Roque.
