DAVAO CITY – Gikondena sa kasundalohan ang padayon nga paggamit sa mga New People’s Army (NPA) ug improvised explosive device (IED) nga usa ka dakong kalapasan gumikan sa mamahimong ihatud niini nga kadaut ilabi na sa mga sibilyan.
Kahinumduman nga malampuson nga na-detonate sa otoridad ang bomba mga 10 metros ang gilay-on gikan sa daplin sa dalan sa national highway sa Purok 8, Barangay Baylo, Monkayo, Compostela Valley.
Una ng gibutyag ni Lt. Col Ismael Mandanas, commander sa 25th Infantry Battalion, nga nakatabok lamang ang usa ka Toyota Fortuner dihang mibusikad ang gitanom nga IED.
Hinuon walay gikatala nga casualties ug kadaut atol sa pagbusikad. Gikanayong ang mga pasahero ug driver sa maong sakyanan puros nga sibilyan.
Nasayran nga wala sumala pa natarong ug butang ang landmine hinungdan nga pakyas kini nga makamugna ug kadaut.
Gitataw ni Mandanas nga mga sakop sa New People’s Army’s Guerilla Front 20 nga gipangunahan sa usa ka alias Ka Bosyong ang mipaluyo sa nahisgutan nga pagpamomba.
Wala matud pa gikonsidera sa mga rebelde nga posibleng mamahimong collateral damage ang mga sibilyan sa ilang dautan nga plano.
