DAVAO CITY – Nakurat o hangtod karon dili pa giahapon makatoo ang mga kabanay sa biktima nga miambak sa usa ka dakong Mall ning dakbayan sa Davao.
Sumala pa ni alyas Grace ang ig-agaw ni Rheyn Mark Tubato, 21 anyos, residente sa Kilometer 9 Sto. Nino Riverside Sasa ning dakbayan sa Davao kinsa milukso sa usa ka Mall sa Bajada ning siyudad nga nakahimo pa sa pag-gara-gara ang biktima una kini milakaw sa ilang balay aron nga mupalit ug tambal sa iyang amahan nga dunay balatian.
Nasayran na lamang matud pa sa ilang kabanay ang insidente dihang gi-post sa facebook ang hulagway sa biktima apan wala gilayon sila mituo hinungdan nga ila kining gikumpirma sa pamunoan sa Mall.
Nagtuo si Grace nga ang tumang kaguol ang hinungdan sa pagpakamatay ni Rheyn Mark kini tungod sa balatian sa iyang amahan.
Gikanayong nagproblema ang nahisgutan sa galastuhon sa pagpalit ug tambal ug sa iyang kahimtang nga walay igong trabaho.
Nasayran sab sa nahisgutan nga gibiyaan na si Ryn mark ug sa ilang inahan ug nakigminyo na sa lain hinungdan nga kini ang naningkamut ug pagpalit ug tambal sa iyang amahan.
Gikanayong gitambagan sab ang iyang inahan sa igsuon sa ilang amahan nga atimanon sila Rynmark ug igsuon niini apan wala sumala pa kini nagpakabana.
