DAVAO CITY – Gikanayon ni IA III Julius A. Magdadaro, Philippine Drug Enforcement Agency (PDEA)-Davao del Norte director nga sagad sumala pa sa mga illegal nga druga nga giupayuhot sa lalawigan ang gidala pinaagi sa courier services.
Sa pahayag sumala pa sa usa ka indibidwal nga nasikop sa buy bust operation, gikanayon niini nga ang bag-ong modus operandi nga ginahimo arun lamang makapayuhot ug illegal nga druga pasulod sa probinsiya.
Nasayran sab nila nga sagad matud pa sa mga shipments ang gikan sa uban nga mga rehiyon.
Samtang gikanayon sab ni Intelligence Officer II Dennis Paguinto sa PDEA Davao del Norte nga aduna sab silay natala nga susamang kaso sa Tagum City hinungdan nga ila pang gipakusgan karon ang pagmonitor sa susama nga aktibidad.
Usa sa mga lakang nga gihimo mao ang pagpakigpulong sa mga supervisor ug manager sa mga courier company pinaagi sa pagpatuman ug random inspections.
Kung kaniadto ginapahigayon lamang kini sa Tagum City ug Panabo City, gipalapdan na sab kaeun ang monitoring schemes sa mga kasikbit nga LGUs.
