DAVAO CITY-Lauman nga musaka na ang ihap sa mga kababayan nga mopapauli dinhi sa dakbayan kini human nga mas lu-ag na karon ang mga restrictions nga gipatuman.
Kahinumduman nga ang mga fully vaccinated nga international flight passengers nga mubiyahe paingon dinhi sa dakbayan ang kinahanglan pa nga mopailalom sa facility-based quarantine subay sa kamandoan nga gipagula sa Interagency Task Force for the Management of Emerging Infectious Diseases (IATF).
Sumala pa kang City Tourism Operations Office (CTOO) Head ug Airport Monitoring Head Generose Tecson, nga epektibo ang maong kamandoan niining milabay adlaw dili lamang sa mga Filipino tourists ug mga residente kung dili lakip na sa mga foreign tourists nga gikan sa visa-free countries.
Apan kinahanglan magdala lamang ang mga nahisgutan ug negative reverse transcription-polymerase chain reaction (RT-PCR) test nga gikuha sulod sa 48 oras ayha ang departure gikan sa nasod diin kini naggikan.
Sa pag-abot niini, i-presenta lamang kini aron nga ma-verify ang vaccination status. Gikanayong ang mga partially vaccinated o unvaccinated passengers ang dawaton pa gihapon apan kinahanglang nga mupailalom sa 14-day hotel-based facility quarantine.
Gikanayon sab sa opisyal nga usa kini ka positibo nga kalambuan arun nga mas daghanan pang mga turista ang moadto dinhi sa dakbayan.
Sa kasamtangan, gipahugtan pa sa siyudad ang tourism promotion. Gani ang dakbayan sa Davao ang mopartisipar sa International Travel Fair sa Cebu sugod sa February 18 hangtud sa 20.
Naglaum si Tecson nga daghanang turista ang muadto sa siyudad sa Araw ng Dabaw celebration ug summer season. Sa kasamtangan bugtong ang direct international flights gikan sa Dubai ug Singapore ang operational.
Wala pay lain nga mga airlines gikan sa uban nga nasod ang nagpadayag nga ibalik nila ang direct flights dinhi sa siyudad.
Gikanayong anaa sa halos 700 international flight passengers matag semana ang ilang matala diin aduna matud pa kini dakong kalahi-an sa pre-pandemic figure.
Gipasabot ni Tecson nga dili igo ang kapasidad sa airport alang sa pag-cater ug dugang pa nga mga foreign flight passengers.
