Gibutyag ni Atty. Israelito Torreon, ang Legal Cousel sa pamilyang Duterte, nga wala giplanuhan nga idungan sa pagkandidato ni Justice Secretary Jesus Crispin Remulla pagka-Ombudsman, ang pag-file ni Davao City acting mayor Sebastian “Baste” Duterte ug kaso.
Sa ekslusibong pakighinabi sa Bombo Radyo kang Atty. Torreon, huna-huna nalang sumala pa ni Remulla nga gi-timing kini sa iyang aplikasyon pagka-Ombudsman.
Gipaklaro usab sa banggiitang abogado nga layo sa “moot and academic” ang pagpasang-at ug kaso hilabi na nga Criminal charges kini ug may klarong depinisyon sa balaod. Gidugang pa niya nga ang “complainant” ang magbuot sa pagpasaka ug kaso kung kanus-a kini niya gustong buhaton.
Gipahayag ni atty. Torreon ang maong punto tungod gibutyang ni SOJ Remulla nga “forum shopping” lang ang maong gisa-at nga mga kaso.
Kahinumdoman nga nagpasaka ug kaso sa Davao city Ombudsman si Davao city acting Mayor Baste Duterte sa mga mosunod nga opisyal tungod sa iligal sumala pa nga pagdala sa iyang amahan nga si former President Rodrigo Duterte sa ICC.
