DAVAO CITY – Mi-awhag na ug imbestigasyon ang usa ka konsehal labot sa report nga gi-abuso na sa mga guardya ang mga illegal settlers nga nagdumili sa paggula sa gikural nga luna sa Purok 26, Camarin Riverside, Barangay Maa, ning dakbayan.
Sumala pa kang Konsehal Bonifacio Militar nga nakadawat ug sulat ang iyang buhatan niadtong Pebrero 12, gikan sa usa ka Marites Carbajal Lapis nga nagkanayon nga gitrangkahan sila sa sulod sa compound nga gika-ingon gipanag-iya sa usa ka Lucilene Gonzales.
Dugang ni Militar nga nagproblema ang mga anaa sa sulod sa dapit gumikan kay wala na sila’y access sa pagka-on, ug nabalaka sa ilang mga seguridad ang mga hamtong ug mga kabataan, matag panahon nga makabati ug boto sa mga armas.
Sumala kang military nahikawan ug pagka-on ug panginabuhi-an ang mga illegal settlers, ilabi na nga gika-ingong gipangdaut sa mga guardya ang mga tanum sa mga biktima, ug ang mga kabataan wala na makatungha sa eskwelahan.
Gi-kwestyon sab ni Militar ngano nga sa danger zone gi-relocate ang mga biktima.
Yuta sa National Grid Corporation of the Philippines (NGCP) ug doul sa high tension tower niini.
