Padayon nga gina pangita ang mga indibidwal nga mipakatag sa mga fake news ngadto sa social media mahitungod sa matud pang abduction sumala sa Davao City Police Office.
Kahinumdumang, ubay ubay na ang mikanat nga mga fake news ngadto sa social media sugod pa lamang sa nakalabayng bulan.
Susama na lamang niini ang post nga gipaguwa sa usa ka Rica Movilla diin matud pa dunay nahitabong abduction sa Brgy. COMMUNAL.
Apan gilayon kining gilimod sa Buhangin Police Station ug Davao City Police Office.
Pahinumdum usab ni PCapt. Hazel Tuazon, ang tigpamababa sa DCPO mga inay nga beripikahon usa ang panghitabo ayha ipost sa social media.
Gumikan ang pagpost usab sa susamang mga fake news makahatag og kahadlok ngadto sa publiko.
Gikanayon sa opisyal nga lakip na sa maong lakang sa buhatan ang pag-adto sa mga panimalay sa maong mga mipakanat og fake news aron nga masuta ang panghitabo ug dili na kini pamarisan.
Pahamtangan usab og silot ang maong mga indibidwal nga musupak sa balaod batok sa Article 154 Parag 4 of the Revised Penal Code o ang pagpakanat og mga fake news nga labing maka apekto sa kahapsay sa publiko.
