DAVAO CITY – Malinawon ang gipahigayon nga duruha ka adlaw nga Bar Examination dinhi sa dakbayan sa Ateneo Campus sa Bangkal ning dakbayan kaniadtong milabay nga adlaw nga Biyernes ug Domingo.
Una ng gibutyag sa Davao City Police Office (DCPO) nga gipatuman pag-ayo sa pamunoan sa Ateneo ang mga ginikananglan nga lakang aron lamang mapabilin nga luwas ang panglawas sa mga examinees.
Una ng nasayran kang Police Major Noel Villahermosa, commander sa Talomo Police station, nga anaa na lamang sa 452 ang pinal nga mipailalom sa bar exam gikan sa 472 kini human nga absent sumala pa ang 25 ka mga examinees.
Una na sab nga nakadawat ug dili pa kumpirmado nga report ang otoridad nga adunay usa ka examinee ang nasakpan nga nagdala ug cellphone nga hugtanon ginadili panahon sa eksaminasyon.
Samtang aduna sab sumala pay nagpositibo sa Antigen test hinungdan nga wala kini gitugutan nga mopailalom sa bar exam.
Kahinumduman nga daghanan mga tinun-an ang nagpasalamat nga adunay gipahigayon nga bar examination dinhi sa dakbayan nga sagad ginapahigayon didto sa kaulohan kini tungod dili na sila makagasto ug daku.
Gipatuman ang maong lakang gumikan kay nagpabilin pa karon ang bahad sa Covid-19 ug ang variant niini nga Omicron.
