DAVAO CITY – Gipasalig sa lokal nga kagamhanan nga nahasubay sa schedule ang gipahigayon nga second dose sa bakuna dinhi sa dakbayan.
Una na sab nga gitino sa nahisgutan nga bugtong ang bakuna nga Astrazeneca lamang maghulat ug dugay ang usa ka indibidwal sanglit anaa sa duruha ka bulan ang interval niini ayha ang second dose kung itandi sa uban nga bakuna nga anaa sa halos usa ka bulan lamang.
Sukad Hulyo 25, kinatibuk-ang 21,201 Dabawenyos ang nakadawat sa ilang first doses sa AstraZeneca vaccine, diin sa nahisgutan nga ihap, 6,007 ang nakadawat na ug ikaduhang bakuna.
Nanawagan sab si Michelle Schlosser sa mga dabawenyo nga nagpabakuna ug first dose sa AstraZeneca vaccines sa milabay nga Mayo ang mamahimona nga makapabakuna ug second dose karong umaabot nga bulan sa Agosto sa mga nagkadaiyang vaccination hubs sa siyudad.
Nasayran nga atol sa unang rollout sa vaccination program, ang Sinovac ug AstraZeneca vaccines angf gi-alokar sa siyudad.
Gitataw sab sa nahisgutan nga pakyas lamang ang pipila ka nga indibidwal nga magpa-second dose gumikan sa pipila ka mga rason sa pagbalhin ug lugar, adunay trabaho ug ng uban mahadlok sa fake news nga basin mamahimo sumala pa sila ug zombie.
Una na sab nga gibutyag sa Department of Health (DOH) nga kung mapakyas nga makaadto sa gitakda nga petsa alang sa second dose, mamahimo pa gihapon kini nga makapabakuna sa lain pa nga adlaw.
