DAVAO CITY – Gisubay na karon sa mga kapulisan sa Montevista Davao de Oro ang nanag-iya sa gikanayong itom nga pick up truck nga nakabangga patay sa usa ka ginang pasado alas tres kagahapon sa hapon.
Nanawagan karon ang kabanay sa biktima sa driver nga motahan sa otoridad ug dili talikdan ang iyang responsibilidad.
Gikan sumala pa sa Monkayo sa nahisgutan nga lalawigan ang maong pick up truck ug paingon sa Nabunturan dihang nahitabo ang aksidente.
Sumala sa mga nakasaksi sa insidente, samtang nagbaktas ang biktima nga nailang si Evelina Sandot daplin sa kalsada ug pauli na sa ilahang pinuy-anan, kalit na lamang kini nga gibanggaan.
Gumikan sa kakusog impact, nalagpot ug naparok ang ulo sa biktima sa kalsada.
Dali pa kini nga gidala sa balay tambalanan apan gideklara ning dead on arrival sa mga doktor.
Human ang insidente, paspas sab nga miikyas ang driver sa wala matino nga direksiyon. Padayon karon ang gipahigayon nga imbestigasyon sa otoridad.
