Nagpadayon ang nahimong commitment ug inisyatiba sa mga sakop sa Davao City Police Office (DCPO), sukad niadtong petsa 22 hangtod petsa 28 ning bulan sa Disyembre ning tuig kasamtangan.
Ang maong inisyatiba, miresulta kini ngadto sa 26 ka mga anti-illegal drug operations nga maoy hinungdan sa pagka-aresto sab sa 31 ka mga indibidwal ug pagkakompiska sab sa mukabat nga kantidad nga 510.802 grams sa gituohang shabo nga gibanabanaang mukabat sab ang kantidad sa Php 3,473,453.
Samtang mukabat sab sa 7.3 grams ang nakompiskang mga dahon sa marijuana nga nagkantidad og P876.
Samtang, walos sab ang nadakpan gikan sa mga gilusad nga Anti-gambing operations, diin anaa sa P4,520 ang nakumpiskang gituohang bet money, uban ang duha ka kasong gipasaka batok sa mga dinakpan.
Nagpahigayon sab ang DCPO og 36 ka mga operasyon diin anaa sa 36 ka mga indibidwal ang nadakpan, lakip niini ang napulo ka mga most wanted.
Dugang pa nga, anaa sab sa 14 ka mga operasyon ang gilusad labot sa mga loose firearms, diin miresulta sa pagka sikop sa uat ka mga indibidwal diin nakumpiska sab ang upat ka mga illegal firearms, uban ang napulo pa ka mga gisurender nga mga pusil diin aduna na sab gipasakang upat ka mga kaso ngadto sa korte.
Sa kinatibuk-an, mukabat sa 79 ka mga indibidwal ang naaresto, diin maoy nagapaila nga ang DCPO, padayon sa ilahang pagapaningkamot, aron nga mapabilin ang kahapsay ug kalinaw dinhi sa Dakbayan sa Davao.
