DAVAO CITY – Andam na ang usa ka task force nga gimugna ni Mayor Inday Sara Duterte nga maoy tahasan sa pagpanglimpiyo sa mga kadalanan ug drainage systems nga gi-okupa sa mga tawo ug sakyanan nga giparada.
Kahinumduman nga ilalom sa Executive Order No. 2, si Mayor Sara maoy magsilbi nga chair sa maong task force samtang ang head sa City Engineer’s Office maoy magsilbi nga vice chairman.
Miyembro sab sa maong Taks group ang Regional and District Engineers sa Department of Public Works and Highways , City Transport and Traffic Management Office, City Planning and Development Office , Davao City Water District General Manager, Philippine Long Distance Telephone ug Davao Light and Power Corporation.
Gawas sa pagpahawa sa mga mi-okupar sa delikadonga areas sama sa esteros, garbage dumps, riverbanks, shorelines, agi-anan sa dalan ug mga pampubliko nga lugar samasa sidewalks ugmga kadalanan, gimando sab ni Mayor Sara ang pagbungkag sa mga illegal nga istraktura.
Gitahasan sab ang mga sakop sa task force nga imentina ang pagpanglimpiyo sa kasamtangan nga mga drainage lines, i-monitor ang pagpatuman sa mga drainage projects, mosumite ug listahan sa mga drainage projects nga gipatuman ug morekomenda ug mga solusyon sa problema nga adunay kalabutan sa mga pagbaha.
