Gikumpirmar sa Syria nga ang mga airstrikes sa Israel nakapatay sa daghang mga sundalo ug mga sibilyan human nga gibombahan nila ang mga pwersa sa Syria sa Suwayda, usa ka lungsod sa habagatang Syria duol sa mga utlanan sa Jordan ug Israel.
Ang pag-atake sa mga pwersa sa Syria ug sa ilang mga hinagiban gimando ni Israel Prime Minister Benjamin Netanyahu tungod kay ang gobyerno sa Syria nagplano nga gamiton kini batok sa mga Druze.
Diin ang Druze militias nakig-away alang sa Israel sa matag Arab-Israel war ug mao lamang ang Arab group ang gitugotan sa pagserbisyo sa Israel Defense Forces.
Samtang sa niaging semana, ang mga panagsangka tali sa mga Druze militias ug mga Bedouin tribes nakapatay og 200 ka tawo, sumala sa taho gikan sa Syrian Observatory for Human Rights.
Giakusahan usab sa grupo ang mga pwersa sa gobyerno sa Syria ug ilang mga kaalyado sa mga summary nga pagpatay sa mga sibilyan sa Druze.
Kini ang unang higayon nga ang mga pwersa sa gobyerno sa Syria nga gipakatap sa Suwayda sukad gipalagpot sa mga rebeldeng Islamist si kanhi Syrian President Bashar al-Assad.
Nisaad usab si Netanyahu nga dili nila tugutan ang mga Druze sa Syria nga mabutang sa peligro tungod sa ilang lawom nga relasyon sa mga residente sa Israel ug sa Golan Heights.
Samtang, ang administrasyon ni Trump nangilabot sa naghangyo sa Israel nga mohunong sa pag-atake sa mga pwersang militar sa Syria. Ang defense minister sa Syria nagpahibalo sa ceasefire sa Suwayda, samtang ang Israel gikataho nga mohunong sa pag-atake kaniadtong Martes sa gabii.
Sa pikas bahin, gabii nakuhaan og akto ang pagpamomba sa Israel sa Israel Syrian army headquarters sa Damascus atol sa live broadcast.
Kini human gipasidan-an ang Islamist-led government nga dili apilon ang Druze minority sa Sweida heartland. Basi sa war monitor, adunay dul-an sa 250 ang namatay sa maong pagpamomba.
