Subling nakasinati og kapildihan ang Gilas Pilipinas batok sa New Zealand sa score nga 87-70 alang sa FIBA Asia Cup 2025 qualifiers kagahapon sa buntag, nga gipahigayon sa Spark Arena sa Auckland.
Ang world No. 22 nga Tall Blacks ang lamang batok sa Gilas Pilipinas sa unang first half, sa dula.
Kulang ang sagunsun nga puntos sa Gilas sa fourth quarter aron nga malabwan ang 28 nga lamang sa kaatbang niini.
Kahinumduman, nga sa miaging Nobyembre napildi usab sa Pilipinas ang New Zealand nga ang dula natigayon dinhi sa nasud.
Kahibaloan nga naangkon sa Gilas ang back-to-back losses human nga gitambakan usab kini sa Chinese Taipei atong mga milabayng adlaw.
Gumikan niini, ang Pilipinas adunay 4-2 nga record ayha ang FIBA Asia Cup 2025 competition karong Agosto nga matigayon sa Saudi Arabia.
Nanguna sa maong duwa sa Gilas Pilipinas si Chris Newsome diin mitala kini og 13 points, samtang, 10 points usab ang natala ni Justin Brownlee ug si June Mar Fajardo adunay 11 puntos og five assists sa maong panagsangka.
