-- ADVERTISEMENT --
Natapos na ang kampanya sa Gilas Pilipinas sa FIBA Asia Cup 2025 human kini napildi sa Australia, pinaagi sa score nga 84-60, sa quarterfinals nga gipahigayon kagahapong adlawa sa Jeddah, Saudi Arabia.
Kusog nga misugod ang Boomers ug nakalamang sa 29-12, sa unang quarter pa lamang, ug dayon sayon nga milosot ngadto sa kadaugan. Nakapuntos ang Australia og 11 ka tres, diin upat niini gikan kang Jaylin Galloway nga adunay 15 puntos.
Samtang si Stephen Foxwell misangko og 17 puntos. Alang sa Gilas, si Kevin Quiambao mitapos sa 17 puntos samtang si Dwight Ramos adunay 15 puntos.
