-- ADVERTISEMENT --
Mibaba sa ika (No. 37) ang Gilas Pilipinas sa pinakabag-ong FIBA World Ranking human sa ilang kapakyasan sa FIBA Asia Cup sa Saudi Arabia.
Matod sa FIBA, gikan sa No. 34 sa ranggo ang Gilas sukad Nobyembre 2024, dihang napildi nila ang New Zealand sa ikaduhang window sa Asia Cup Qualifiers nga gipahigayon sa Pilipinas.
Sa bag-ong torneo, kapildihan ang nasinati sa Gilas kontra Chinese Taipei ug New Zealand, apan nakabawi sila sa usa ka kadaugan batok sa Iraq nga nakapahatod kanila sa qualification round sa quarterfinals.
Ang pagkunhod sa ranggo nagpasabot nga padayon pang nanginahanglan og lig-on nga performance ang national team aron makabalik sa taas nga posisyon sa internasyonal nga basketball.
