Gibutyag ni Gilas head coach Tim Cone nga magpabiling intact ang mga players apan wala niini gipadaplin ang posibilidad nga adunay bag-ong mga mamahimong miyembro ang team.
Matud pa niini nga andam magdula si Jamie Malonzo alang sa sunod nga FIBA Asia Cup qualifying window batok sa Chinese-Taipei sa Feb. 20 ug New Zealand sa Feb. 23, ning tuiga.
Lakip sa mga Gilas pool lists 15 players, si Ange Kouame, kung asa andam usab nga magdula si AJ Edu. Samtang andam usab nga magdula alang sa nasud si Rhenz Abando.
Nasayran nga si Abando nakadula na sa Gilas sa miaging 2021 FIBA World Cup Asia qualifiers, 2022 FIBA Asia Cup og 2023 FIBA World Cup.
Ang posible nga malakip sa listahan sa Gilas mao si Jordan Heading nga kabahin sa national team sa miaging 2020 FIBA Asia Cup qualifiers, 2021 FIBA Olympic Qualifying Tournament og 2021 FIBA World Cup Asia qualifiers.
