‘Gil Tulog’ ad campaign sa Makati City, gibatikos ni Mayor Abby Binay

Gibatikos ni Makati City Mayor Abby Binay ang matod pa advertising campaign nga mipuli sa street sign nga Gil Puyat Avenue ngadto na sa “Gil Tulog”.

Nakakuha usab kini ug nagkadaiyang reaksyon sa mga netizens.

Matod pa sa Mayor, wala nakaabot sa opisina niini ang napapas nga campaign proposal nga pulihan ang street sign nga Gil Puyat Avenue ngadto na sa Gil Tulog.

Dugang pa niini, kung ugaling nakaabot dayon kini kaniya, ibasura dayon kini niya gumikan kay respeto na usab kini sa pamilya ug sa mga paghinumdum kang kanhi Senate President Gil Puyat.

Nangayo ug pasaylo ang mayor sa publiko sa kagubot nga gikahatag niini lakip na sa pamilya sa namatay nga senador.