Gikawat nga relo sa aktor nga si Keanu Reeves, nabawi na sa Chile

Nabawi sa kapulisan sa Chile ang tulo ka mahalong relo nga gipanag-iyahan sa aktor nga si Keanu Reeves.

Ang nahisgutang mga relo ang gikawat sa pinuy-anan sa aktor sa Los Angeles kaniadtong 2023.

Nahilakip sa nabawi ang usa ka Rolex nga mubalor sa $9,000 o mosobra sa P500,000.

Mihimo ug kampanya ang kapulisan sa Chile sa Eastern nga bahin sa syudad sa Santiago ug didto nila nakita ang gikawat nga mga relo.

Naaresto sa kapulisan ang 21-anyos nga suspek ug nakita ang tulo ka relo sa aktor nga adunay nakasulat sa pangalan niini.