DAVAO CITY – Dakpan ang gikanayong anak sa politiko ug kaubanan niini atol sa gipahigayon nga drug buy bust operation sa mga sakop sa Joint Intelligence Team of Toril Police Station ug Intelligence Branch sa Davao City Police Office pasado alas kuwatro kagahapon sa hapon sulod sa Room 11 Jasmine Blooms Apartelle, University Avenue sa Juna Subdivision, Talomo District.
Naila ang dinakpan nga si Jossone Michael Dayanghirang gikanayong anak ni Davao Oriental Governor Nelson L. Dayanghirang ug kaubanan niini nga si Rojhel Abear Sanchez.
Atol sa gipahigayon nga operasyon, nakuha sa posisyon sa mga dinakpan ang usa ka gamay nga sachet, duruha ka dagko nga pakete, usa ka medium size ug tulo ka pinataas nga pakete sa ginadili nga droga.
Mitimbang kini ug 13 grams ug gibana-banaang mobalor ug P 208,000.
Narekober usab sa otoridad ang usa ka glass tube nga adunay residue sa shabu, usa ka aluminum foil strip, usa ka improvised aluminum tooter, green diaposable lighter nga adunay improvised needle, usa ka unit sa cellphone, ug usa ka 500 peso bill (genuine), usa ka counterfiet nga 500 bill ug duruha ka 1000 peso bills nga gigamit isip marked money ug boodle money.
Samtang si Sanchez, alyas Ivan, ang nasikop human nga nagpayuhot kini ug shabu gamit ang nahisgutan nga drug paraphernali duol sa lugar diin gipahigayon ang transaksiyon.
Susama karon nga anaa sa kustodiya sa kapulisan ang mga dinakpan ingon man ang mga narekober nga shabu ug drug paraphernalia ug gi-andam na sab ang kaso nga iduso ngadto sa korte.
