Gibabagan ang gikaingong convoy ni PNP Chief Rommel Francisco Marbil, gumikan wala sumala pa kini saktong pagpahibalo ug koordinasyon aron nga mulatas sa EDSA Busway nga bahin sa Ortigas Station, Northbound Carousel kagahapon sa alas 6 ang takna sa gabii.
Subay sa kuha nga video sa Team GOLF SAICT, makita niini ang motorsiklo sa HPG ug duha ka mga SUV.
Sa maong video, madungog sab nga nakiglalis ang usa sa mga convoy ug miyembro sa Highway Patrol Group ngadto sa usa ka tauhan sa SAICT samtang nagapasabot kini sa pagsupak sa mga nahisgutan.
Pakyas sab nga natiketan ang SUVs gumikan kalit kining nagpaturatoy palayo sa maong lugar, gumikan na sab adunay emergency sumala pa sa Kampo Krame.
Pipila ka minuto pa sab ang milabay, mibalik ang usa ka fortuner og gitiketan, apan nasayran kini nga lahi na ang maong sakyanan gikan sa giharang nga convoy.
Wala pay pagpaklaro ang PNP labot sa maong panghitabo.
