DAVAO CITY – Iduso dayon ang kaso batok sa tulo ka mga indibidwal nga susamang mga High Value Target nga una ng nasikop sa gilusad nga drug buy bust operation sa mga sakop sa Regional Special Enforcement Team sa PDEA-XI ug NBI-XI sa Block 85, Lot 5, Deca Homes Talomo, Baliok ning dakbayan kagahapon.
Una ng giila sa otoridad ang mga dinakpan nga sila si Jimmy James Buntog alyas JJ ug John Arthur Villar alyas Pam kinsa mga target sa gilusad nga operation.
Gikanayong nanagkunsabo ang mga suspek sa pagpamaligya ug illegal nga druga sa usa ka PDEA agent nga nagpaka-arun ingnon nga buyer bugti sa 3000 pesos nga marked money.
Atol sa pagrumbo sa otoridad, nadiskobrehan sab nila ang drug den sa lugar hinungdan nga nasikop ang mga suspek.
Kalakip sab sa gisikop ang usa ka alyas Mae nga kapuyo ni Buntog diin naghupot sab kini ug illegal nga druga ug paraphernalia.
Una na sba nga narekober sa otoridad ang laing tulo pa ka pakete sa illegal nga druga nga mubalor ug 150,000 pesos.
Gikanayong nasikop na kaniadtong bulan sa Nobyembre 2018 si Villar apan nakagawas gumikan sa plea bargaining hangtud nga nasubay nga mibalik kini sa iyang bisyo.
Susama karun nga gipaslak sa presohan ang dinakpan ug mag-atubang ug kasong paglapas sa Republic Act 9165 kun Comprehensive Dangerous Drugs Act of 2002.
