DAVO CITY – Gitun-an na sa lokal nga panggamhanan ang legal implication sa paglimita sa gitas-on sa mga gambalay sa siyudad.
Matud pa kang Davao City Planning and Development Office head Ivan Cortez, nga gikatakda nila nga magtigom sa City Legal office aron nga hisgutan ang nahisgutan nga butang.
Gipasabot ni Cortez nga dili siya sigurado kung ang nahisgutan nga ordinansa maoy labing una sa tibuok Pilipinas apan sagad na matud pa kini nga ginapahigayon sa pipila ka mga lugar sa langyaw’ng dapit.
Laraw sab nila nga isapinal ang maximum height sa mga gambalay sa siyudad.
Dugang sa opisyal nga target nila nga limitahan ang mga gitas-on sa gambalay depende sa lokasyon sa proposed building.
Ikonsidera nila ang mga tag-as nga gambalay duol sa transit areas ug mas ubos sa building sa mga lugar nga layo usab sa transit areas.
Nasayran sa nahisgutan nga ang Aeon Towers ang usa sa pinakataas karon nga gambalay sa siyudad nga adunay 33 ka andanas.
