Nagtuo si Manila 6th District Rep. Bienvenido Abante nga liable for crimes against humanity si kanhing Pangulong Rodrigo Duterte.
Gibutyag ni Abante nga angay nga manubag ang kanhing Pangulo sa mga nahitabong pagpamatay.
Mamahimong pasakahan ang kanhing Pangulo ug pagsupak sa Republic Act No. 9851 or the Philippine Act on Crimes Against International Humanitarian Law, Genocide, ug uban pang Crimes Against Humanity.
Kahinumduman nga sa pag-atubang ni Duterte sa Senate Blue Ribbon Committee giakon niini ang legal nga tulubagon sa mga gihimo sa mga pulis kabahin sa iyahang war on drugs diin gibana-banaan nga anaa sa 12,000 hangtod sa 30,000 ka mga Pilipino ang nangamatay.
Ilawom sa Section 10 sa RA 9851 nakalatid ang prinsipyo sa command responsibility kung diin ginapatubag ang opsiyal sa mga nahimo sa iyahang mga ginsakpan.
Gibutyag ni Abante nga sulod sab ang mga nahimong pagpatay kabahin sa drug war sa crime against humanity subay sa RA 9851.
Dugang pa ni Abante nga magamit sab sa international criminal court ang mga nahimong pahayag ni Duterte sa Senado diin nanumpa kini nga magsulti ug tinuod.
