DAVAO CITY – Hapsay ug malinawon sa kinatibuk-an ang pagpahigayon sa oath taking ceremony ni Vice President Sara Duterte karong adlawa sa San Pedro Sqaure ning dkabaayn sa dabaw.
Subay sa assessment sa Davao City Police office walay gikatalang dagko nga mga panghitabo sa tibuok panahon nga pagpahigayon sa pahgpanumpa ni Vice President Sara Duterte.
Apan, moabot sa dese otso ka mga tawo ang nakuyapan gumikan sa tumang ka init sa adlaw ug posibling sa kakapoy ug kagutom sanglit kadaghanan sa mga mitambong miadto sa San Pedro Square alas dos pa sa kaadlawon.
Hapsay usab ang pagtambong sa mga supporters ni VP Sara Duterte gumikan sa pagsunod sa mga nahisgutan sa gipatuman nga mga sumbanan sa kapulisan sama na lamang sa pagsul-ob ug facemask, dili pagdala ug mga backpack, dili poagsul-ob ug jacket ug kalo, hinuon adunay pipila ka mga payong ang nakompiska sa kapulisan nga na-una nang gipahibalo nga bawal usba dalaon, hinuon human sa programa mamahimo pa kining ma claim sa mga tag-iya.
Samtang, gipasalamatan usab sa mga otoridad ang katawhan nga mitambong sa aktibidad gumikan sa gipakitang kooperasyon.
Napamtud-an usab sa DCPO ug sa task force davao ang ka-pektibo sa gipatumang Culture of security nga “kung may Makita magsalita”. Human sa pormal nang pagpanumpa ni VP Sara naghugyaw usab ang katawhan pinaagi sa paglingaw sa mga perpformers ug mga artrista pinaagi sa Musikahan Pasasalamat.
