Gipaniguro ni Philippine Army commander Lt. General Romeo Brawner Jr. nga dili nila hatagan og special treatment ang hataas nila nga opisyal nga gitudlong mastermind sa pagpatay sa negosyante ug modelo nga si Yvonette Plaza sa dakbayan sa Davao niadtong milabay nga tuig.
Dugang gipahayag sa opisyal, wala nila gina-tolerate ang mga wrongdoings o criminal acts, bisan paman og unsa pa ang ranggo sa mga sundalo bisan sa mga opisyal ug enlisted personnel.
Dugang gipahayag sa Army chief, gipahawa na sa pwesto isip commander sa 1001st Infantry Brigade si Brigadier General Jesus Durante lll aron mahimong patas ang pagahimuong imbestigasyon batok sa heneral.
Lakip usab sa gipapahawa sa pwesto ang deputy ni Durante nga si Col. Michael Licyayo kung diin ang mga nahisgutan ang giditinar karon sa Philippine Army headquarters sa Fort Bonifacio, Taguig City.
Mag-atubang ug kaso nga murder ug Obstruction of justice si General Durante.
Via || Bombo Rico Salva
