Nagpasaka na ug reklamong sedition ug inciting to sedition ang Criminal Investigation and Detection Group (CIDG) pinaagi sa pagpangulo ni PBGen. Nicolas Torre III ang labaw sa maong hingtungdang ahensya batok kang Atty. Israelito Torreon ang legal counsel ni Pastor Apollo Quiboloy ug uban pa sa Department of Justice (DOJ).
Kini homan sa pagpugong kuno sa mga miyembro sa Kingdom of Jesus Christ sa pag-aresto kang Quiboloy.
Pipila sa nahimong basihanan sa PNP-CIDG sa reklamo ang pagbabag sa mga sakyanan ug paghimo ug lihok-protesta sa grupo, sukwahi sa gitugutang prayer rally sa lokal nga kagamhanan.
Gani, una pa sa listahan nga gipasakahan ni Torre mao ang ngalan ni Atty. Israelito Torreon ang legal counsel sa KOJC, gumikan usa matud pa si Torreon ang nakasupak sa ilahang gipahigayong arrest warrant kaniadto ngadto kang Pastor Apollo Quiboloy pinaagi sa usa ka obstruction of justice.
Apan tubag lamang ni Torreon nga itugyan na lamang niya ang tanan sa Ginoo, labot sa ginabuhat usab nga lakang ni Torre nga pasakahan sumala pa kini siya og kaso.
Dugang pa niini nga igo lamang matud pa niya gibuhat ang iyahang trabaho isip abogado sa iyahang kliyente og wala sumala pa siyay laing intensyon.
Lakip sab sa gisaway ni Torreon ang nahimong lakang ni Torre, diin walay lipod-lipod matud pa kining gipasakahan og kaso.
