DAVAO CITY – Bisan nga hangtud Nobyembre 30, 2020 lamang kutob ang pagpatuman sa General Community Quarantine (GCQ) dinhi sa dakbayan sa Davao, gitambagan pa gihapon ni Davao City Mayor Sara Duterte-Carpio ang katawhan sa dakbayan nga kanunay pa gihapon nga mangandam sanglit posibleng malugwayan pa kini hangtud sa bulan sa Disyembre.
Kahinumduman nga subling gipailalom ang siyudad sa GCQ human nga namatikdan ang padayon nga pagsaka sa mga nataptan sa Corona virus disease (Covid-19).
Sumala sa Mayor mas maayo sumala pa kung andam kanunay matag karong ug unya ang mga tawo kung unsa man ang mamahimong mosunod nga classification sa quarantine nga ipatuman sa dakbayan.
Dungan sa pagbalik sa GCQ, dugang security personnel ang ipakatag sa dakbayan aron masiguro nga mapatuman ang security protocols.
Hinuon gipasalig sa Mayor nga wala sumala pay mga establisyemento nga manira atol sa GCQ apan hugtanon nga ipatuman ang pipila lamang nga porsyento sa kapasidad sa mga mamumuo niini.
