DAVAO CITY – Gikalipay sa mga pamilya gikan sa tribong B’laan sa Barangay Maibo, lungsod sa Magsaysay, Davao del Sur ang pagdawat sa ilang bag-ong pinuy-anan gikan sa National Housing Authority 11.
Atol sa malampusong turn-over kaniadtong Huwebes, Abril 27, 100 ka mga balay ang hingpit nang puy-an sa mga IPs ang mga bag-ong balay sa maong lugar.
Usa ang tribong B’laan sa mga komunidad nga nahatagan og bag-ong balay ilawom sa IP Maibo Housing Project sa Housing Assistance Program for Indigeneous People sa maong buhatan, katugbang ang kantidad nga P20 million nga gigahin alang niini.
Ang matag balay, adunay floor area nga 25 square meters ug lot area nga 80 square meters nga anaa sa P200,000 ang matag usa.
Gidasig ni NHA XI Regional Manager Engr. Clemente Dayot ug Magsaysay Mayor Ronie Sarande ang mga benepisyaryo nga ampingan ang ilang bag-ong balay ug dili na kini ibaligya tungod dili na matud pa sila makadawat og libreng pabalay.
via || Bombo LJF
