Gikumpirma sa kanhi Philippine Charity Sweepstakes Office (PCSO) General Manager ug Retired Police Colonel Royina Garma nga mitawag matud pa si kanhi Pangulong Rodrigo Duterte bag-ohay lamang human sa iyahang gihimong expose ngadto sa Quad Committee Hearing.
Sumala pa ni Garma, nga nanawag lamang ang kanhi pangulo aron nga ipasabot og nganong taga Iglesia ni Cristo (INC) ang iyahang ginapangita kaniadto aron maoy mangulo sa war on drugs.
Dugang pa ni Garma nga lakip sa nahisgutan ni Duterte mao pagka-masaligan sumala pa sa kwarta ang mga taga INC.
Pagpaklaro sab sa maong kanhing opisyal sa PNP nga nahitabo sumala pa ang pagtawag ni FPRRD ngadto kaniya human sa iyahang gibutyag nga pamahayag mahitungod sa maduguong drug war sa nakalabayng administrasyon, lakip na usab ang pagpaimplementa sa reward system nga gikan usab matud pa sa Davao Model.
