Gikatakda nga pasakahan og kasong frustrated murder ang suspetsadong nangulata sa usa ka call center agent atong milabayng adlaw. Giila ang suspetsado nga si alyas “Bernie”, 19-anyos ug usa ka construction worker.
Sumala pa ni PLT Randy Guerra , Deputy sa Maa Police Station, nga posibleng planado ang nahitabong pagpangpangulata kang alyas “Muhammad”, nga usa ka callcenter, gumikan igo lamang sumala pa kini nag-atang og masakyang jeep ngadto sa McArthur Highway.
Sukwahi sumala pa sa gisaysay sa suspetsado nga adunay gibuhat matud pa ang biktima kanila. Samtang, gipaklaro usab sa opisyal nga magdepende gihapon sumala pa sa korte og unsay ipahamtang nga kaso batok sa suspetsado.
Dugang pa niini, nga posible gihapong ipaubos ngadto sa physical injury ang kasong ipahamtang sa suspek subay usab sa mamahimong resulta sa maong imbestigasyon.
Sa pagka karon padayon pang ginapangita ang duha pang kaubanan sa maong suspetsado diin magatubang usab kini og susamang kaso.
